Magandang Umaga...

Lalaking nakatingala sa langit habang nasa gilid ng kalsada

Babaeng nakayukong naglalakad

Dalawang tao, dalawang mundo, iisang lugar

Tadhana ang nagtakda upang sila'y magkita

Pero nakalagpas na ang babae sa kinatatayuan ng lalake

Ang lalake naman ay sumakay na sa bus

Natigilan ang dalawa ng mapansin ang pabango ng isa't isa

Ngunit huli na, tumatakbo na ang bus

Hinabol ng tingin nang babae nag papalayong bus

Ang lalake naman ay nakalingon lang

At di inalis ang tingin sa mukha ng babae

Hanggang sa 'di na niya makita ito

Bukas, magkikita pa kaya ulit sila?

Lalaking nakatingala sa langit habang nasa gilid ng kalsada
Babaeng nakayukong naglalakad
Dalawang tao, dalawang mundo, iisang lugar
Tadhana ang nagtakda upang sila'y magkita

Sana ngayon, magkausap na sila

At totoo nga, ang tadhana ay nakakatuwa

Sapagkat sila ngayo'y magkilala

At nagsimula sa mga salitang "Magandang Umaga..."